Саха сиригэр баҕа өттүнэн көмө оҥорооччулар кииннэригэр олунньу 22 күнүттэн ДНР уонна ЛНР күрэнээччилэргэ көмөлөһөр пуун арылынна. Регион олохтоохторо ыарахан балаһыанньаҕа түбэһэн, дойдуларыттан тэскилээбит дьоҥҥо көмө оҥоруохтарын сөп, СИА-ҕа киин салайааччыта Айыллаан Винокуров эттэ.
«Донецкай уонна Луганскай народнай өрөспүүбүлүкэлэр олохтоохторугар көмөлөһөр пуун арылынна. Штаб волонтердара #МЫВМЕСТЕ Саха сиринээҕи уопсастыбаннай палаатаны кытта хомуур уонна ыытыы үлэтин сүрүннүөхтэрэ. Ким баҕарар дьиэлэриттэн тэскилээн сылдьар дьоҥҥо көмөлөһүөн сөп», — диэтэ уопсастыбанньык Айыллаан Винокуров.
Аадырыһа: Дьокуускай, Орджоникидзе уулусса, 10 дьиэтэ, 2 этээс, актовай саала.
«Гуманитарнай көмө саҥа буолуохтаах, хахтаах, этикеткалаах, тэҥ пропорциялаах, хоруопкаларга угуллубут, опись суруллар. Ас — уһуннук харайыллар, болдьоҕо суруллар», — диэн кииҥҥэ бэлиэтээтилэр.
Төлөпүөннэрэ: +7411-2-50-88-93, +7411-2-50-88-92
