19 От ыйа 19.07
  • 14°
  • $ 87,88
  • 96,1

Бүтүн Арассыыйатааҕы "Мин таптыыр мусуойум" куонкурус түмүктэннэ

19:01, 12 декабря 2018
Текст:
Читайте нас на
Яндекс Новости
ЯДВ

Аныгы кэм сиэринэн, бу дьыл сэтинньи 4-26 күннэригэр Бүтүн Россия үрдүнэн “Мин таптыыр музейым” диэн онлайн-куоластааһын ыытылынна. Россия олохтоохторо олус активнайдык кытыныллар.


“Мин таптыыр музейым” куоластааһыҥҥа барыта 1600 араас таһымнаах, федеральнай, национальнай, региональнай, мемориальнай, художественнай уо.д.а. музейдар кыттыбыттар. Ол истэригэр Аан дойдуга аатырбыт Эрмитаж, Нуучча музейа, Третьяковскай Галерея, “Исаакиевский собор”, Московскай Кремль буолаллар.

Бу куонкурус официальнай түмүгүнэн Ем. Ярославскай аатынан Хотугу норуоттар историяларын уонна культураларын холбоһуктаах Саха государственнай музейа 20-ис миэстэҕэ С-Петербург аатырбыт Нуучча музейын кэнниттэн тахсыбыт. «Бу сүрдээх улахан ситиһии, кыайыы. Холобурга, Третьяковскай Галерея 37-ис миэстэ буолбут. Дальневосточнай округтан Саха музейын тэҥэ Бурятия музея 50 бастакыларга киирсибит,» — диир Саха музейын дириэктэрэ, Россия музейдарын Союһун президимун Бочуоттаах чилиэнэ,  РФ уонна СР култуураларын үтүөлээх үлэһитэ, Духуобунас академиятын Бочуоттаах академига Дьөгүөр Шишигин.

Ахсынньы 13 күнүгэр музейга “Аһаҕас аан” диэн тэрээһин буолар. «Бу күн киирии босхо, фондаҕа харалла сытар сэдэх малларбытын, экспонаттары көрдөрүөхпүт, босхо экскурсиялары тэрийэбит. Бу үөрүүлээх күммүтүгэр музейбытын байытар сэдэх хаартыскалартан, маллартан, докумуоннартан, наҕараадалартан үөрүүбүт дөксө үрдүүрэ чахчы», — диир музей дириэктэрэ.

Следите за самым важным и интересным в Telegram-канале и WhatsApp-группе ЯСИА