14 От ыйа 14.07
  • 31°
  • $ 87,74
  • 95,76

Бөҕөстөрбүтүн аан дойду Кубогар туһуннарбат буоллулар

11:00, 30 марта 2018
Текст:
Читайте нас на
Яндекс Новости
ЯДВ

Арассыыйа көҥүл тустууга сүүмэрдэммит хамаандата АХШ Айова штатыгар ыытыллар көҥүл тустууга аан дойду Кубогар кыттыбат буолла. Бу туһунан ССТА-ҕа Арассыыйа спортивнай тустууга федерациятын отделын салайааччы, хамаанда сүрүн тириэньэрэ Валерий Фельдшеров иһитиннэрдэ.


Бу иннинэ РФ Тас дьыалаҕа министиэристибэтин бэрэстэбиитэлэ Мария ЗахароваАХШ Москватааҕы посольствота сүүмэрдэммит хамаанда виза ылыыга барыахтаах кэпсэтиитин тэрийэртэн батыммытын эппитэ.

Фельдшеров үөскээбит балаһыанньаҕа хамаанда аан дойду Кубогар кыттар кыаҕыттан матарын ыйан туран, посольствоҕа кэпсэтиигэ суруттарбатахтарын, виза ылыыга Армения посольствотыгар тиийэн кэпсэтиини барарга эппиттэрин, онно кыайан баттаспатахтарын кэпсээтэ. Кини эппитинэн, аан дойду Кубогар Арассыыйаттан 18 киһи: 14 спортсмен уонна 4 тириэньэр, барыахтааҕа.

Спортивнай тустуу федерациятын бэрэсидьиэнэ Михаил Мамиашвили АХШ тустууга федерацията Арассыыйа сүүмэрдэммит хамаандата аан дойду Кубогар кыттыыны ыларыгар киниттэн тутулуктааҕы барытын оҥордо, диэн ССТА-ҕа иһитиннэрдэ. Маны тэҥэ ФСБР салайааччыта, тустууктарга виза биэрбэккэ, АХШ бэйэтин мөлтөҕүн көрдөрдө диэн бэлиэтээтэ.

Бары билэргит курдук, көҥүл тустууга аан дойду Кубога муус устар 7-8 күннэригэр Айова-Сити куоракка буолар. Онно кыттыахтаах Арассыыйа хамаандатын толору састааба биллибэт этэ. Арай ФСБР пресс-сулууспата хамаанданы Сослан Рамоновсалайыаҕын иһитиннэрэн турар.

Санатар буоллахха, Турция, онтон бу кэлин Иран хамаандата АХШ-ка ыытыллар күрэхтэһиигэ кыттыбаттарын туһунан иһитиннэрбиттэрэ. Тэрийээччилэр Ислам өрөспүүбүлүкэтин оннугар Киргизия хамаандатын киллэрээри кэпсэтиини ыыппыттара эмиэ кураанахха буолан биэрдэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар