Бүлүү улууһугар муниципальнай быыбардар буола тураллар. Бүгүн улуус баһылыгын, Бүлүү куоратын, Кыһыл Сыыр бөһүөлэгин уонна 9 нэһилиэк баһылыктарын быыбардыыллар.
Биир ньыгыл быыбар күн Бүлүү улууһун быыбардааччылара 142 депутаты, ол иһигэр Кыһыл Сыыр Мичуринскай учаастагар оройуон Сэбиэтигэр эбии быыбарга депутат талыахтара.
Улуус баһылыгын талар бүллүтүөҥҥэ үлэлии олорор баһылык Сергей Винокуров, предприниматель Александр Григорьев уонна биэнсийэлээх Николай Николаев бааллар.
Бүлүү куоратын мэригэр бүллүтүөҥҥэ үлэлии олорор баһылык Нюргустан Афанасьев, Дьокуускай куорат баһылыгын секретариатын салайааччытын солбуйааччыта Ян Попов, быстах кэмҥэ үлэтэ суохтар Василий Петров уонна Александр Докторов ааттара киирбиттэр.
Николай Куприянов, «Олох суола» хаһыат телеграмм-ханаала
