«Бэҕэһээ ракета тобоҕо түһүөн сөптөөх сирдэриттэн сир кырыһыттан боруобалар ылылыннылар. Биир фрагмент булулунна. Манна бөртөлүөт түһэр былаһаакката оҥоһуллар, баах хомуллуохтаах. Бүгүн күн-дьыл мөлтөҕүнэн көтүү тохтоото», — диэтэ быыһыыр сулууспа аэромобильнай салаатын начальнигын солбуйааччыта Павел Алексеев.
Алдан оройуонугар туох да булуллубата. «Күүстээх хаар түһэр. Бөртөлүөттэн көрдөөһүн ыытыллыбыта, түмүк биэрбэтэ, туох да көстүбэтэ. Сир кырыһын боруобата ылылынна. Биһиги улууспутугар көрдөөһүнү Роскосмос аны саас көһөрдө, хаар барытын саппыт», — диэтэ Алданнааҕы салаа начальнига Андрей Гришин.
Санаттахха, «Союз-2» ракета көтүүтэ сэтинньи 5 күнүгэр «Восточнай» космодромтан ыытылынна. Быыһыыр сулууспа эрдэ биллэрбитинэн, тобохтор барыллаан Алдан, Өлүөхүмэ, Бүлүү уонна Үөһээ Бүлүү улуустарыгар түһүөхтэрин сөп.
