16 От ыйа 16.07
  • 20°
  • $ 87,81
  • 95,78

Бүлүүтээҕи педучилищены бүтэрбит буойун учууталларга аналлаах галерея арылынна

Читайте нас на
Яндекс Новости
ЯДВ

Н.Г. Чернышевскай аатынан Бүлүүтээҕи педколледжка быйылгы үөрэх дьыла Улуу Кыайыы 75 сылыгар ананар. Манна Учуутал нэдиэлэтэ ыытыллар. Кэрэхсэбиллээх уонна ыччакка улахан туһалаах тэрээһининэн Бүлүүтээҕи педучилищены бүтэрбит буойун учууталларга аналлаах галерея аһыллыыта буолла.


Бүлүүтээҕи педколледжка буойун учууталларга аналлаах галерея арыллыытыгар Үөһээ Бүлүүттэн ыалдьыттар кэллилэр. Үөрэх тэрилтэтин методиһа Е.К.Чиряев кинилэри «Олох суола» хаһыат пресс-киинигэр аҕалан редакция үлэһиттэрин кытта көрсүһүү тэрийдэ.

Саха норуодунай поэта, педучилище выпускнига, Аҕа дойду Улуу сэриитин кыттыылааҕа Петр Николаевич Тобуруокап туһунан кини күтүөтэ, СӨ норуотун хаһаайыстыбатын үтүөлээх үлэһитэ Дмитрий Федосеевич Наумов кэпсээтэ.

РСФСР, САССР үтүөлээх учуутала, элбэх уордьаннар, мэтээллэр кавалердара, педучилище выпускнига, сэрии кыттыылааҕа Николай Васильевич Егоров туһунан кийиитэ, үтүөлээх учуутал Надежда Ивановна аҕынна. Эдэрдэри үлэҕэ үөрэппитин, олоххо элбэх сүбэни-аманы биэрбитин, үйэтин тухары махталынан ахтарын чорботон бэлиэтээтэ.

Онтон Үөһээ Бүлүү нэһилиэгин Билиилээх түөлбэтин Н.В. Егоров аатынан уулуссатын олохтооҕо, учуутал Васильева Наталья Матвеевна Николай Васильевич Егоров аатын үйэтитиигэ хайдах үлэлии сылдьалларын туһунан кэпсээбитин, хаартыскаларынан стендэтин олус кэрэхсээтибит.

Еремей Константинович эмиэ бэйэтин үлэтин билиһиннэрдэ, элбэҕи биллибит.

Ааптар Николай ФЕДОРОВ, «Олох суола» хаһыат, Бүлүү улууһа

Следите за самым важным и интересным в Telegram-канале и WhatsApp-группе ЯСИА