Саха сиригэр бу күннэргэ күүстээх тыал түһэн, сорох улуустарга биир кэлим эксээмэннэр тохтотуллуохтарын сөп диэн интэриниэт таһаарыыларга суруллубута эрээри, ыам ыйын 30 күнүгэр математикаҕа эксээмэн эрээсим быһыытынан бары улуустарга ыытыллынна.
Бүгүн СӨ үөрэҕин уонна наукатын миниистирэ Владимир Егоров: “Бэҕэһээ тыалынан сибээстээн биир кэлим эксээмэн бары улуустарга былаан быһыытынан барара чопчу биллибэт этэ. Ол гынан баран Үөрэҕи кэтээн көрөр уонна хонтуруоллуур киин иһитиннэрбитинэн, бүгүн математикаҕа (базовай) эксээмэн бары 227 эксээмэн ыытыллар пууннарыгар саҕаланна”, — диэн Ил Түмэҥҥэ буолбут мунньах кэмигэр эттэ.
Санатан эттэххэ, математика базовай чааһыгар биир кэлим эксээмэни туттарарын туһунан уопсайа, 7059 оҕо сайаапка биэрбитэ.
Людмила ПОПОВА, “Саха сирэ” хаһыат, edersaas.ru
0
0
