Ил Дархан Айсен Николаев Арктика улуустарыгар тутуу сыанатын түһэрэр уонна эбийиэктэр хаачыстыбаларын тупсарар сыалтан миэстэтигэр тутуу матырыйаалларын оҥорон таһаарыыны тэрийэллэригэр бырабыыталыстыбаҕа этии оҥордо. Саха сирин Арктикатыгар тутууга олус наадалаах кумах, щебень баара биллэр.
Билигин Арктикаҕа ыытыллар тутууларга матырыйаала тастан киллэриллэр, бу сыанаҕа олус охсуулаах. Өскөтүн өрөспүүбүлүкэҕэ 1 кв м ортотунан сыаната 60 тыһ солк буоллаҕына, Арктикаҕа — 150 тыһ солк.
«Хаарбах дьиэттэн дьону көһөрүү бырагырааматын таһынан тыа сирдэрин биир кэлим сайыннарыы тосхоло уонна да атын бырайыактар үлэлииллэр. Бу дьаһаллар чахчы нэһилиэнньэҕэ тиийэ үлэлииригэр, баар ис кыахтары туһаныахтаахпыт. Ол эбэтэр тутуу матырыйаалларын миэстэтигэр оҥоруохтаахпыт», — диэтэ Айсен Николаев.
Сиһилии https://ysia.ru/v-arkticheskih-rajonah-yakutii-planiruyut-organizovat-proizvodstvo-strojmaterialov/
