Саха сирин ыччаттарыгар өрөспүүбүлүкэ министиэристибэлэригэр уонна биэдэмистибэлэригэр стажировка биллэрдилэр. Стажировка, регион ыччат бырабыыталыстыбата көҕүлээбит, «Аһаҕас уопыт» бырайыак чэрчитинэн ыытыллар, диэн СИА-ҕа Саха сирин ыччат бырабыыталыстыбатын пресс-сулууспата иһитиннэрэр.
Ыам ыйыттан атырдьах ыйыгар диэри 18-тан 35- гэр диэри саастаах эдэр дьон өрөспүүбүлүкэ министиэристибэлэригэр уонна биэдэмистибэлэригэр, олохтоох салайыныы уорганнарыгар киирэн үлэлиэхтэрин сөп.
Арктика зонатын уонна Хотугу сир аҕыйах ахсааннаах норуоттарын сайыннарыы боппуруостарын интэриэһиргиир ыччатары бэс ыйыттан атырдьах ыйыгар диэри Саха сирин Арктика уонна хотугу норуоттар дьыалаларын министиэристибэтигэр стажировкаҕа ыҥыраллар.
Манна кыттарга 2022 сыл ыам ыйын 23 күнүгэр диэри диэри ыччат бырабыыталыстыбатын почтатыгар valentina.press@yandex.ru резюме ыытыахха наада.
Салгыы ыам ыйын 24-31 күннэригэр 2022 сылга диэри министиэристибэ салалтата кыттыылаах мунньах ыытыллыаҕа. Кэпсэтиһии түмүгүнэн үс кандидат талыллыаҕа. Кэпсэтии буолар миэстэтин уонна күнүн туһунан https://arktika.sakha.gov.ru/, https://molprav.sakha.gov.ru/ сайтка уонна @molprav14 телеграм-ханаалга биллэриэхтэрэ.
Стажердары ыларга критерийдэр:
- салааларга бырайыактаах эбэтэр этиилэрдээх эдэр дьону биһирииллэр;
- ырытар дьоҕурдаах, элбэх матырыйаалы, сонуну кытары үлэлиир кыахтаах;
- дьону-сэргэни кытары түргэнник биир тылы булар дьоҕурдаах, киэҥ билиилээх-көрүүлээх, бэйэтин сатаан дьаһанар, ыарахан түгэннэртэн толлубат, уонна дисциплинаны тутуһар;
- уопсасытыбыннай үлэҕэ сыстаҕас, научнай үлэлэрдээх, атын үөрэх тэрээһиннэригэр кыттыыны ыла сылдьыбыт;
- көмпүүтэринэн эрэллээхтик туһанар:MS Office (Excel, Word, Power Point, Outlook) уонна да атын бырагыраамаларынан.
Стажировка диэн — теоретическай бэлэмнээһин түмүгэр профессиональнай сатабылы уонна үөрүйэҕи үөскэтии процеһа, (маныаха хамнас төлөммөт).
