«Цифровой ликбез» бүтүн Арассыыйатааҕы сырдатар бырайыак саҥа сезону арыйда. Олунньу 2 күнүгэр саҕаламмыта уонна цифровой сайдыы эйгэтигэр национальнай бырайыак өйөбүлүнэн олоххо киллэриллэр, диэн «Цифровой экономика» АНО иһитиннэрдилэр.
Быйыл «Кэскилгэ кылаат» аһымал пуонда экспертэрэ үс анимированнай үөрэтэр киинэни бэлэмнээтилэр: «Чиэһинэйдик үөрэн», «Өйдөөх барыс» уонна «Дропперство: бу тугуй уонна туох куттааҕый». Видеоматырыйааллар оҕолорго интернеккэ куттала суох майгы быраабылатын иҥэрэргэ көмөлөһөр педагогтарга уонна төрөппүттэргэ методическай рекомендацияларынан доҕуһуолланаллар.
Контент 6 сааһыттан үөһэ саастаах аудиторияҕа анаммыт уонна дьиэ кэргэҥҥэ да көрөргө, оскуолаҕа да туһанарга сөптөөх. Матырыйаал барыта бырайыак официальнай саайтыгар кулун тутар 1 күнүгэр диэри баар.
«Сылын аайы пуонда „Цифровой ликбез» кыттыыта биһиги экспертизабытын цифровой билии уонна кибербезопасность боппуруостарыгар бигэргэтэр. Кэлэр кэскил компетенциятын үөскэтэргэ уонна оҕолор цифровой эйгэҕэ куттала суох сылдьалларын хааччыйар үөрэх бородууксуйаларын тэрийэбит», — диэн «Кэскилгэ кылаат» пуонда толорооччу дириэктэрэ Петр Положевец бэлиэтээтэ.
Кини этэринэн, маннык көҕүлээһиннэр цифровой культураны үрдэтиигэ көмөлөһөллөр уонна гражданнар аныгы цифровой экономикаҕа эрэллээхтик сылдьалларыгар көмөлөһөллөр.
Бырайыак цифровой сервистары сайыннарыыга, IT-специалистары бэлэмнээһиҥҥэ, кибербопасность күүһүрүүтүгэр уонна технологическай суверенитеты ситиһиигэ туһуламмыт «Экэниэмикэ даннайдарын уонна судаарыстыба цифровой трансформацията» национальнай бырайыак чэрчитинэн олоххо киирэр. Саҥардыллыбыт национальнай бырайыактар Россия президенэ Владимир Путин быһаарыытынан 2025 сылтан олоххо киирэллэр.
