19 От ыйа 19.07
  • 21°
  • $ 87,88
  • 96,1

Арадьыыс Маарыйа чуор саҥата ыстаадаҕа 33-с сылын иһиллэр

17:03, 24 мая 2018
Текст:
Читайте нас на
Яндекс Новости
ЯДВ

Үрүҥ Хайа олохтооҕо, Үлэ Дьоруойа Илья Спиридонов аатынан МУТ арадьыыһа Мария Поротова – идэтигэр чахчы бэриниилээх киһи. Кини 1979-1982 сс. Аллараа Халыматааҕы ПТУ-га үөрэнэн, арадьыыс, бэтэринээр, табаһыт идэлэрин ылан кэлиэҕиттэн харыс халбарыйбакка, быыкаайык хамнаска үлэлии сылдьар.

Мария Афанасьевна маҥнайгы үс сылыгар бэтэринээрдээбит. Онтон арадьыыска көспүт. Ол аата табаһыттар арадьыыс Маарыйа чуор саҥатын 33 сылы быһа истэллэр. Рацията дьиэтигэр кыра хоско турар. Онон киэһэ хойутуу эбэтэр суһал быһыы-майгы (ыстаадаҕа киһи ыарыйдын, оһоллоннун, муннун, сүттүн, аара суолга көлөтө алдьанан моһуогурдун) буоллаҕына, түүннэри сибээскэ тахсарыгар табыгастаах.

Үлэ бэтэрээнэ биэнсийэтин сиэбитэ алта сыл буолбут. Хамнаһа кыра буолан, маҥнай 8 тыһ. солкуобайы ылар эбит, кэлин 14 тыһыынчаҕа тиийбит. Хонтуора эҥээрдээх үлэһиттэр ортолоругар  салгын курдук наадалаах гынан баран, саамай кыра хамнастаахтара – кини. “Илиибэр 15 тыһыынчаны ылабын”, — диир. Дьиҥнээхтии ааҕыстахха, Арадьыыс Маарыйа үлэтигэр бэриниилээх, эппиэтинэстээх сыһыанынан төһөлөөх элбэх табаһыт тыынын өрүһүйбүтэ, хас көс ыал олоҕун араҥаччылаабыта буолуой?!.

Кыыһа Руслана 3 оҕолоох, иккилэрэ букатын кыралар. Онон сиэннэрин иитиһэр. Күтүөтэ Нам Бартыһаанын уола Максим Винокуров тутууга үлэлээн харчылаһар эбит. Мария Афанасьевна уола Петр бульдозерист идэлээх эрээри, сөптөөх үлэтэ суох сылдьар. Аҕалара Алексей Петрович Поротов “Анаабыр алмаастара” хампаанньаҕа стропальщиктыыр. Онон бары суулаһан, орто ыал сиэринэн олороллор.

 

Василий НИКИФОРОВ, «Саха сирэ» хаһыат, edersaas.ru

Мария ВАСИЛЬЕВА (СИА) хаартыскаҕа түһэриитэ.

0

0
Следите за самым важным и интересным в Telegram-канале и WhatsApp-группе ЯСИА

Арадьыыс Маарыйа чуор саҥата ыстаадаҕа 33-с сылын иһиллэр

17:03, 24 мая 2018
Текст:
Читайте нас на
Яндекс Новости
ЯДВ

Үрүҥ Хайа олохтооҕо, Үлэ Дьоруойа Илья Спиридонов аатынан МУТ арадьыыһа Мария Поротова – идэтигэр чахчы бэриниилээх киһи. Кини 1979-1982 сс. Аллараа Халыматааҕы ПТУ-га үөрэнэн, арадьыыс, бэтэринээр, табаһыт идэлэрин ылан кэлиэҕиттэн харыс халбарыйбакка, быыкаайык хамнаска үлэлии сылдьар.

Мария Афанасьевна маҥнайгы үс сылыгар бэтэринээрдээбит. Онтон арадьыыска көспүт. Ол аата табаһыттар арадьыыс Маарыйа чуор саҥатын 33 сылы быһа истэллэр. Рацията дьиэтигэр кыра хоско турар. Онон киэһэ хойутуу эбэтэр суһал быһыы-майгы (ыстаадаҕа киһи ыарыйдын, оһоллоннун, муннун, сүттүн, аара суолга көлөтө алдьанан моһуогурдун) буоллаҕына, түүннэри сибээскэ тахсарыгар табыгастаах.

Үлэ бэтэрээнэ биэнсийэтин сиэбитэ алта сыл буолбут. Хамнаһа кыра буолан, маҥнай 8 тыһ. солкуобайы ылар эбит, кэлин 14 тыһыынчаҕа тиийбит. Хонтуора эҥээрдээх үлэһиттэр ортолоругар  салгын курдук наадалаах гынан баран, саамай кыра хамнастаахтара – кини. “Илиибэр 15 тыһыынчаны ылабын”, — диир. Дьиҥнээхтии ааҕыстахха, Арадьыыс Маарыйа үлэтигэр бэриниилээх, эппиэтинэстээх сыһыанынан төһөлөөх элбэх табаһыт тыынын өрүһүйбүтэ, хас көс ыал олоҕун араҥаччылаабыта буолуой?!.

Кыыһа Руслана 3 оҕолоох, иккилэрэ букатын кыралар. Онон сиэннэрин иитиһэр. Күтүөтэ Нам Бартыһаанын уола Максим Винокуров тутууга үлэлээн харчылаһар эбит. Мария Афанасьевна уола Петр бульдозерист идэлээх эрээри, сөптөөх үлэтэ суох сылдьар. Аҕалара Алексей Петрович Поротов “Анаабыр алмаастара” хампаанньаҕа стропальщиктыыр. Онон бары суулаһан, орто ыал сиэринэн олороллор.

 

Василий НИКИФОРОВ, «Саха сирэ» хаһыат, edersaas.ru

Мария ВАСИЛЬЕВА (СИА) хаартыскаҕа түһэриитэ.

0

0
Следите за самым важным и интересным в Telegram-канале и WhatsApp-группе ЯСИА