21 От ыйа 21.07
  • 29°
  • $ 88,02
  • 96,04

Анастасия Диодорова харбааһыҥҥа аан дойду чемпионатыгар боруонса мэтээли иилиннэ

14:58, 13 сентября 2019
Текст:
Читайте нас на
Яндекс Новости
ЯДВ

Ууһут Анастасия Диодорова Россия сүүмэрдэммит хамаандатыгар киирсэн, харбааһыҥҥа аан дойду чемпионатыгар 4х50 буккаас эстафетаҕа  боруонса мэтээли ылла. Салгыы сүүс миэтэрэҕэ көхсүнэн сытан барааһыҥҥа бэһис миэстэҕэ тигистэ. 


Лондоҥҥа буола турар харбааһыҥҥа аан дойду чемпионатын төрдүс күнэ түмүктэннэ. Россия хамаандата 4х50 буккаас эстафетаҕа үһүс миэстэни ылла. Хамаандаҕа Анастасия ДиодороваАртур КубасовНаталья БутковаРоман ЖдановАни ПалянДмитрий Черняев бааллар.

Диодорова 100 м. көхсүнэн сытан эрэ харбааһыҥҥа кытынна. Кинини кытта стартка Казахстан, Мексика, Украина, Кытай, Германия күүстээх спортсменкалара кытыннылар.

Квалификационнай харбааһыҥҥа Анастасия үһүс бочуоттаах миэстэҕэ тигистэ (1 мүнүүтэ 29 сөкүүндэ).

Оттон финалга Саха сирин ууһута тута инники күөҥҥэ тахсыбыта, 50 м ааһан баран үс иһигэр киирбитэ. Ити эрээри Кытай уонна Германия харбааччылара ситэ баттаан ылбыттара. Онон кыыспыт финишка бэһис кэлбитэ, көрдөрүүтэ 1 мүнүүтэ 27 сөкүүндэ.

Аан дойду муҥутуур кыайыылааҕын аатын немка Верена Шот (1 мүн 23 сөк), иккис уонна үһүс миэстэлэргэ – кытайдар Сонг Линглинг уонна Янг Юуань, төрдүскэ украинка Елизавета Мерешко таҕыстылар.

Паралимпийскай оонньууларга квалификационнай чемпионат балаҕан ыйын 9 — 15 күннэригэр буолар.

Следите за самым важным и интересным в Telegram-канале и WhatsApp-группе ЯСИА