«Түөрт монитор кэллэ. Пациеннар туруктарын суһаллык диагнозтыыры хааччыйар. Киһи сүрүн уорганнарын үлэтин хонтуруоллуур. Анестезиология, реанимация уонна интенсивнай терапия отделениеларыгар туруорулуннулар», – доруобуйа харыстабылын министиэристибэтигэр эттилэр.
Кэнники биэс сылга Амматааҕы балыыһа министиэристибэ салаатынан 11 массыына тутта. 2023 сылга ПАЗ оптуобус баазатыгар «Флюмамм» медицина компексын ылан, ааспыт сылга медиктар 171 айаны оҥорон, 6 783 киһи доруобуйатын көрдүлэр.
Быйыл икки ыйга 38 айаны оҥордулар, 1 211 киһи көрдөрдө. Кулун тутар 5 күнүгэр Болугурга үлэлээтилэр, 81 киһи доруобуйатын туругун бэрэбиэркэлээтилэр.
«Национальнай бырайыак тыа сирин медицинатын саҥардыыга көмөлөһөр. Медицина тэрилин саҥардабыт, автотырааныспар, көһө сылдьар медицина комплекстарын ылабыт, хапытаалынай өрөмүөн ыытабыт, саҥа ФАПтары уонна быраас амбулаторияларын тутабыт», — диэтэ миниистир Лена Афанасьева.
