19 От ыйа 19.07
  • 21°
  • $ 87,88
  • 96,1

Алимент төлөөбөтөх аҕаҕа холуобунай дьыала тэрилиннэ

12:46, 22 февраля 2018
Текст:
Читайте нас на
Яндекс Новости
ЯДВ

Сокуоннай саастарын ситэ илик оҕолоругар алименын төлөөбөт төрөппүккэ бастаан сэрэтии оҥороллор. Оттон төлүүртэн куотунар буоллаҕына, административнай дьыала тэриллэр, онтон онно да өйдөөбөтөҕүнэ — холуобунай. 


Ньурба улууһугар 43 саастаах оннук аҕаны ааспыт 2017 сыл балаҕан ыйыгар мировой суут административнай эппиэккэ тардан, Ньурба куорат биир тэрилтэтигэр 50 чааска диэри болдьоххо булгуччулаах үлэҕэ уурбут. Бу аҕа алимеҥҥа иэһэ 100 тыһ. солк. кэриҥэ буолбут эбит.

Ол эрэн, үлэлиир кыахтаах эрээри, суут уурааҕын ончу толорботох, Дьарыктаах буолуу киинигэр учуокка турбатах, иэһин төлүүргэ да тиэтэйбэтэх.

Ол түмүгэр, быйыл тохсунньу ыйга бу эппиэтинэһэ суох аҕаҕа РФ Холуобунай кодексатын 157-с ыстатыйатынан холуобунай дьыала тэриллибит.

Быһаарар буоллахха, алименын төлөөбөт, төлүүртэн куотунар, дохуотун дьиҥнээх сууматын кистиир биитэр соруйан аччатан көрдөрөр киһи административнай эбэтэр холуобунай эппиэккэ тардыллар. Оттон суут бириистэбэ икки сэрэтии оҥорбутун кэнниттэн, бу киһи син биир төлүүр санаата суох буоллаҕына, административнай  дьыалаҕа эриллэр. 
Оттон иэһин төлөөбөтөҕө түөрт ыйтан ордубут буоллаҕына, киниэхэ РФ Холуобунай кодексатын 157-с ыстатыйатынан (“Оҕону эбэтэр үлэлиир кыаҕа суох буолбут төрөппүтү иитэргэ анаммыт харчыны төлүүртэн өһөөн туран куотунуу”) холуобунай дьыала тэриллэр.

Бу туһунан РФ Суут бириистэптэрин федеральнай сулууспатын Саха сиринээҕи управлениета иһитиннэрдэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар