Амма уонна Алдан өрүстэргэ муус харыытын утары эстэрэр үлэлэри ыытыы түмүгэр Амма улууһугар уонна Уус Маайаҕа Күп сэлиэнньэтин таһыгар харыы төлөрүйдэ.
Ыам ыйын 14 күнүгэр бастакы вице-премьер, Бырабыыталыстыба хамыыһыйатын бэрэссэдээтэлэ Алексей Колодезников харыыны туоратар туһугар 6 тоннаттан тахса эһэр веществону туһаммыттарын эттэ.
“Эстэрэр үлэлэр Соморсун таһыгар уонна Уус Маайа улууһугар көдьүүстээх буоллулар”, — диэн бэлиэтээтэ кини.
Бастакы вице-премьер харыы Күп сэлиэнньэтин таһыгар төлөрүйэн, билигин муус хойуутук устарын эттэ. Өрөспүүбүлүкэ үрдүнэн маннык эстэриини 47 сиргэ ыытыахтарын сөп.
СИА.