16 От ыйа 16.07
  • 28°
  • $ 87,81
  • 95,78

Александр Жирков Кириэмилгэ ыҥырылынна

09:35, 12 июня 2018
Текст:
Читайте нас на
Яндекс Новости
ЯДВ

Саха Өрөспүүбүлүкэтин Ил Түмэнин Бэрэссэдээтэлэ Александр Жирков бэс ыйын 12 күнүгэр Москваҕа Россия күнүгэр анаммыт тэрээһиннэргэ — Кириэмилгэ Арассыыйа Судаарыстыбаннай бириэмийэлэрин туттарыыга уонна Бэрэсидьиэн Владимир Путин официальнай приемугар кыттыыны ылыаҕа.

Георгиевскай саалаҕа Владимир Путин үгэс быһыытынан наукаҕа уонна технологияҕа, литератураҕа уонна искусствоҕа, гуманитарнай эйгэҕэ ситиһиилэр иһин Арассыыйа Судаарыстыбаннай бириэмийэлэрин туттарыаҕа. 2017 сыл түмүгүнэн лауреаттар ортолоругар биллиилээх дирижер Юрий Темирканов, А.С.Пушкин аатынан ойуулуур-дьүһүннүүр искусствоҕа Судаарыстыбаннай мусуой бэрэсидьиэнэ Ирина Антонова, РНА Н.И.Вавилов аатынан уопсай генетика институтун эволюционнай генетикаҕа сэбиэдиссэйэ Евгений Рогаев, эндокринологияҕа Национальнай медицинскэй чинчийэр киин дириэктэрэ Иван Дедов, Санкт-Петербурдааҕы балет академическай театрын уус-уран салайааччыта Борис Эйфман, Аан дойдутааҕы акыйаан мусуойун генеральнай дириэктэрэ Светлана Сивкова, «Кристаллография уонна фотоника” ФНЧК фотохимияҕа киинин учуонайдара Михаил Алфимов, Сергей Громов, Александр Чибисов бааллар.

Бу кэнниттэн Владимир Путин Ивановскай болуоссатыгар бырааһынньыктааҕы көрсүһүү оҥоруоҕа. Үөрүүлээх тэрээһиҥҥэ Арассыыйа Бырабыыталыстыбатын чилиэннэрэ, Судаарыстыбаннай Дума дьокутааттара, Федерация Сэбиэтин сенатордара, суут уонна ситэриилээх былаас федеральнай уорганнарын уонна регионнар салайааччылара, конфессиялар, уопсастыбаннай холбоһуктар, дипломатическай посольстволар бэрэстэбиитэллэрэ, наука уонна искусство диэйэтэллэрэ ыҥырылыннылар.

Ил Түмэн пресс-сулууспата «Саха сирэ» edersaas.ru. сайтка анаан

4

0
Следите за самым важным и интересным в Telegram-канале и WhatsApp-группе ЯСИА