Алдан оройуонун 54 саастаах олохтооҕо матасыыкылтан эргийдэ. Төбө эчэйиитин ылбыт. Саахал тахсар кэмигэр эр киһи итирик туруктаах сылдьыбыт, диэн өрөспүүбүлүкэ ГИБДД пресс-сулууспата иһитиннэрэр.
Эр киһи матасыыкылы ыыта барыан иннинэ биир бытыылка буокканы испитин билиммит. Бэрэбиэркэ түмүгэ быһылаан тахсыбыт кэмигэр эр киһи тыынан таһаарар салгыныгар 1,55 мг/л арыгылааҕын көрдөрбүт.
ДПС инспектордара сокуону кэһии бэрээдэгинэн административнай матырыйааллары бэлэмнээтилэр, маныаха тустаах бэлиэтэниини ааспатах тырааныспары ыытыы, суол быраабылатын кэһии, матасыыкыл шлема суох айаннааһын, страховой полис суоҕа, регистрацияламмыт докумуоннар суохтара, ону тэҥэ итирик сылдьан ыыппытын иһин.
