23 От ыйа 23.07
  • 20°
  • $ 87,78
  • 95,76

Айсен Николаев Дьокуускай социальнай-экономическай сайдыытын стратегиятын олоххо киллэриини сыаналаата

18:33, 25 октября 2018
Текст:
Читайте нас на
Яндекс Новости
ЯДВ

Саха сирин Ил Дархана Айсен Николаев бырабыыталыстыба чилиэннэрин уонна Дьокуускай мээрин кытта киин куорат 2017-2022 сылларга социальнай-экономическай сайдыытын толоруу чэрчитинэн сүрүн боппуруоостары дьүүллэстэ. Өрөспүүбүлүкэ баһылыга салаа биэдэмистибэлэргэ уонна тустаах муниципалитекка тустаах сорудахтары биэрдэ.

Айсен Николаев Дьокуускай соҕуруу өттүн сайыннарыыга болҕомтону тарта. Кини этэринэн, куорат бу өттө бүгүн уунан хааччыллыыга, канализацияҕа хаалан турар. Маныаха муниципалитет маны бэйэтин үбүнэн кыайар кыаҕа суох.

“ОДьКХ уонна энергетика министиэристибэтин Дьокуускай соҕуруу өттүгэр бөҕү харайыыны, сылааһынан уонна уунан хааччыйыыны хонтуруолга ыларгытыгар көрдөһөбүн. Бу олус тыын суолталаах”, — диэн баһылык бэлиэтээтэ.

Маны сэргэ Николаев куорат соҕуруу өттүгэр Физкултуура уонна спорт адаптивнай киинин тутууга федеральнай үбүлээһини ситиһэр наадатын бэлиэтээтэ.

Дьокуускайга доруобуйа харыстабылын саҥа эбийиэктэрин тутан киллэриигэ Ил Дархан кардиодиспансеры Уһук Илин сайдыытын бырагырааматыгар киллэрэргэ эттэ. Онкологическай диспансер федеральнай бырагыраама уонна өрөспүүбүлүкэ кыттыгас үбүлээһинин суотугар олохтоммут болдьоҕор киириэҕэ. Куорат 2 №-дээх балыыһатын умнар эмиэ табыллыбат. “Иккис балыыһаны бэбиэскэттэн устар бырааппыт суох. Куорат ити өттүгэр доруобуйа харыстабылын аныгы эбийиэгэ суох.”, — диэтэ Николаев.

Следите за самым важным и интересным в Telegram-канале и WhatsApp-группе ЯСИА