Манна маҥнай төгүрүк остуолга СӨ Инвестиционнай сайдыыга уонна урбааҥҥа миниистир Антон Софронов, Тыа хаһаайыстыбатын уонна ас-үөл бэлиитикэтин министиэристибэтин, «Россельхознадзор», «Сахаагропродукт» уо.д.а кыттыылаах олохтоох бородууксуйаны батарыы туһунан кэпсэтии тахсыаҕа. Улууска эт, үрүҥ ас астанна да куоракка киирэн маҕаһыыннарынан тарҕаныан, атыылаһааччытын булуон наада. Ону сороҕор кылгас кэмҥэ харайыллар бытыылкалаах, кумааҕы суулаах сибиэһэй үүттэрин атыыластахха аһыйан хаалбыт буолааччы.
Онон, бородууксуйаны батарыыга хайдах харайыллыахтааҕын тутуһуохха, тиэйэр массыыналарга тоҥорор камера сайыҥҥы кэмҥэ баар буоларын ирдиэххэ наада. Сырыы аайы аһыйбыт үүтү 80 солк. атыылаһар эмиэ соччото суох. Үрүҥ ас аһыйбатын туһугар аһы астыыр технологияттан саҕалаан, батарыытыгар тиийэ сөпкө харайыыны барытын тутустахха биирдэ, олохтоох оҥорон таһаарааччылар куорат дьонун өрүү сибиэһэй алаас аһынан күндүлүүр кыахтаныахтара.
Бу күн “Айгульга” мустубут дьон эттэн оҥоһуллубут аһы, халбаһыыны, үрүҥ илгэни, сир аһыттан утахтары амсайыахтара, маҕаһыыннаах урбаанньыттар оҥорон таһаарааччылары кытта бииргэ үлэлииргэ кэпсэтиэхтэрэ.
Марианна Тыртыкова, «Саха сирэ» хаһыат, edersaas.ru
