Быйыл сир хотугу аҥарыгар кыһыҥҥы туруу ахсынньы 21 күнүгэр Москуба бириэмэтинэн күнүс 13:02 буолар. Бөлүүн ордук уһун түүн, күнүс — кылгас күн турар.
Кыһыҥҥы Күн туруута араас култуураларга неолит кэмиттэн улахан суолталаах. Стоунхендж Англияҕа, Ньюгрейндж Ирландияҕа археология объектара итини дакаастыыллар. Бу объектар иилэрэ Күн туруутугар Күн тахсар туочукны ыйаллар.
Сахаларга Таҥха кэмэ.
Күн туруута диэн Күн киинэ эклиптика экватортан ордук ыраах туочукатын таарыйар момена.
Бүгүн биология билимин дуоктара, суруйааччы, айааччы, уопсастыбаннай диэйэтэл Гавриил Угаров 80 сааһын бэлиэтиир.
Ахсынньы 21 диэн Григориан халандаарыгар сыл 355-с күнэ (ордук хонуктаах сылга 356-c күнэ). Сыл бүтүө 10 күн баар.
Бэлиэ күннэр:
- Күн туруута (Сир хотугу аҥарыгар кыһыҥҥы туруу ахсынньы 21 эбэтэр 22 күнүгэр буолар)
- Пилипиин — Сэбилэниилээх күүстэр күннэрэ
Түбэлтэлэр:
- 1913 — «New York World» («Нью-Йорк Уорлд») хаһыакка бастакы аныгылыы кроссворд тахсыбыт, ааптара — Артур Уинн.
- 1941 — Аан дойду иккис сэриитин кэмигэр Таиланд уонна Дьоппуон ыккардыларыгар кыттыгастыы пакт түһэрсиллибит.
- 1965 — ХНТ Генеральнай ассамблеята Раасанан дискриминация бары көрүҥүн суох гынар туһунан дойдулар ардыларынааҕы декларацияны ылыммыт.
- 1975 — Бүлүүтээҕи ГЭС иккис уочарата үлэҕэ киирбит.
- 1988 — Аан дойдуга саамай улахан сөмөлүөт Ан-225 «Мрия» бастакытын көппүт.
- 1991 — ССРС суох буолуута уонна Тутулуга суох судаарыстыбалар холбоһуктара (СНГ) тэриллиитэ.
Төрөөбүттэр:
- 1896 — Степан Гоголев — саха бастакы революционердарыттан биирдэстэрэ, бөдөҥ сэбиэскэй салайааччы.
- 1908 — Виктор Тихонов (01.07.1977 өлб.) — 1957-1969 сылларга «Якуталмаз» трест дьаһайааччыта, Социалистыы Үлэ Дьоруойа (1964), Мирнэй куоратын Ытык олохтооҕо (1964).
- 1928 — Михаил Орлов — Мирнэй куоратын уонна Айхал бөһүөлэгин тутааччы, Социалистыы Үлэ Дьоруойа (1960), Мирнэй куоратын Ытык олохтооҕо (1964).
- 1934 — Алла Билюкина — литературовед, филология билимин дуоктара.
- 1937 — Иван Кандинскай — сахаттан бастакы үөрэхтээх опера режиссера, Чурапчы народнай тыйаатырын тэрийээччитэ.
- 1940 — Гавриил Угаров — биология билимин дуоктара, суруйааччы, айааччы, уопсастыбаннай диэйэтэл.
- 1948 — Сэмюэль Джексон — Америка киинэ уонна тэлэбиидэнньэ артыыһа, продюсер.
Өлбүттэр:
- 1940 — Фрэнсис Скотт Фицджеральд (1896 төр.), АХШ суруйааччыта.
- 1993 — Кола Бельды (1929 төр.), эстрада ырыаһыта.
