Арктикатааҕы култуура уонна искусство судаарыстыбаннай института орто үөрэх кыһаларын устудьуоннарыгар информационнай технологияларга I Россиятааҕы олимпиада кыайыылаахтарын биллэрдэ.
Олимпиадаҕа 429 устудьуон Россия регионнарын 34 тэрилтэтиттэн кытынна. Олимпиада IT эйгэтигэр талааннаах устудьуоннары быһаарыыга, исписэлиистэри хаачыстыбаҕа бэлэмниир сыаллаах ыытылынна.
Сорудахтар икки категориянан бэрилиннилэр: техническай уонна техническайа суох бэлэмнэнии.
Техническай хайысхаҕа бастакы миэстэни Дмитрий Васильев Покровскай колледжа, иккис миэстэни Максим Коряков Башкириятааҕы педагогическай университет колледжа уонна Дмитрий Шевчук Воркутинскай политехтехникум үллэһиннилэр.
Техническайа суох хайысхаҕа Дан-Хаяа Салчак Тувинскай агротехнология техникума кыайда.
