19 От ыйа 19.07
  • 13°
  • $ 87,88
  • 96,1

400-тэн тахса киһи марафон аҥаардаах сүүрүүгэ кытынна

15:23, 15 августа 2016
Текст:
Читайте нас на
Яндекс Новости
ЯДВ

Бүтүн Россиятааҕы физкультурник күнүгэр анаммыт марафон аҥаардаах сүүрүү 400 профессионалы уонна чэпчэки атлетиканы сөбүлээччини муста. Субуота күн кинилэр 10 уонна 21 км сүүрдүлэр.


Күрэхтэһии оҕолор сүүрүүлэриттэн саҕаланна. Манна 50 оҕо 1 км сүүрдэ.

8 саастаах Максимилиан Гоголев 3 мүн.22 сөк. кэлэн бастыҥ көрдөрүүнү ситистэ. Оттон кыргыттар ортолоругар 12 саастаах Виктория Захарова (3 мүн. 29 сөк.) кыайыы көтөллөннө.

Дьокуускай Лермонтов, Петровскай, Поярков уонна Петр Алексеев ааттарынан уулуссаларыгар улахан дьон сүүрэ таҕыста.

Сүүрүү муҥутуур кыайыылааҕынан Роман Мартынов (35 мүн. 21 сөк.) буолла. Дьахталларга уһуну 38 мүн. 40 сөк. кэлбит 100 км. Россия чөмпүйүөнэ Надежда Гоголева бастаата.

«Сүүрбүт уһунум миэхэ олус кылгас, ол иһин күүспүн кэрэйбэккэ түргэнник сүүрдүм. Марафон аҥаардаах сүүрүү бырааһынньык курдук ааста», — диэн Надежда санаатын үллэһиннэ.

Эр дьоҥҥо 21 км. уһуҥҥа Саха сирин чөмпүйүөнэ Бүлүү улууһун олохтооҕо Конон Никифоров кыайда. Кини көрдөрүүтэ — 1 чаас 12 мүн., дьахталларга классическай марафоҥҥа спорт маастара Марфа Пахомова (1 чаас 25 мүн.) тэҥнээҕин булбата.

«Сүүрүүгэ бэлэмнэммитим хас да ый буолла. Ситиһиибиттэн үөрдүм, урукку рекордпун 30 сөк.тупсардым», — диир Никифоров.

Следите за самым важным и интересным в Telegram-канале и WhatsApp-группе ЯСИА