Пригороднайга Шестаковка үрэх тамаҕар водохранилище тутарга соруктаналлар, диэн “Куорат хаһаайыстыбатын үлэлэтэр сулууспа” дириэктэрин солбуйааччы Владимир Аммосов иһитиннэрдэ.
Куорат ханаалын ыраастааһыҥҥа уонна дириҥэтиигэ анаммыт сүбэ мунньахха Пригороднай сэлиэнньэтин оройуонугар водохранилищены тутуу былааны иһитиннэрдилэр.
“Куорат бүтүннүүтэ Шестаковка үрэхтэн тутулуктамматын курдук, Пригороднай оройуонугар учаастактары ууга ыыппакка эрэ, 2 мөл кубометр уу саппааһа баар буоларын хааччыйыахтаахпыт, ити сезон устата биһиги күөллэрбитигэр хачайданыахтаах. Маныаха өссө Шестаковка оройуонугар сырыы олохтонуутун быһаарыахпыт”, — диэн Дьокуускай баһылыга Айсен Николаев бэлиэтээтэ.
Кини этэринэн, быйыл бырайыактыыр үлэтин, сметатын докумуона бэлэм буолуоҕа, кэлэр сылга быһыты оҥорор үлэлэр саҕаланыахтара уонна 2020 сылга ууну мунньарга сөп буолуоҕа.
СИА.
