15 От ыйа 15.07
  • 30°
  • $ 87,74
  • 95,76

14 мөлүйүөнү хорон сиэбитигэр — усулуобунай миэрэ

16:03, 19 июня 2018
Текст:
Читайте нас на
Яндекс Новости
ЯДВ

Дьокуускай куорат суутугар 58 саастаах дьахтарга ураты бөдөҥ кээмэйдээх түөкүннээһини оҥорбутун иһин бириигэбэр таҕыста. 

edersaas.ru

Суут быһаарбытынан,бу дьахтар өрөспүүбүлүкэ биир үрдүк кыһатыгар сүрүн испэсэлииһинэн үлэлиир кэмигэр буҕаалтыр эбээһинэстэрин эмиэ толоро сылдьыбыт. Ол эбээһинэстэригэр истипиэндийэлэри, босуобуйалары, тулаайах устудьуоннар аһылыктарын харчытын ааҕыы, кэмигэр төлөөһүн, истипиэндийэ пуондатын сөптөөхтүк туһаныы уо.д.а. киирэллэр.

Уһун кэм устатыгар кини аймахтарын уонна үөрэхтэриттэн уһуллубут устудьуоннар бааннарын счетугар пластиковай каарталарын туһанан, төлөбүр биэдэмэстэригэр сымыйа сибидиэнньэлэри суруйан, истипиэндийэ уонна да атын төлөбүр харчытын ыыта сылдьыбыт. Ол түмүгэр, 14 мөл. солк. тахса суумманы уорбут.

Суут кинини РФ Холуобунай кодексатын 159-с ыст. 4-с чааһынан буруйдааҕынан билинэн, 4 сылга көҥүлүн быһары усулуобунайынан ааҕан, 5 сыл тургутар болдьоххо уурбут.

Суут накаастабыл миэрэни аныырыгар, сууттанааччы буруйун толору билиммитин, оҥорбут хоромньутун сороҕун төлөөбүтүн, үчүгэй характеристикалааҕын, урут сууттамматаҕын учуоттаабыт.

Ону таһынан, үлэлээбит үөрэҕин тэрилтэтигэр 13,5 мөл. солк. төлүөхтээх.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0

0
Следите за самым важным и интересным в Telegram-канале и WhatsApp-группе ЯСИА