“Якутуголь” ХК АУо үлэһиттэригэр уонна кинилэр дьиэ кэргэннэригэр Доруобуйа күнүн ыытта.
Уопсайа аҕыс хамаанда кытынна: “Нерюнгринскай” разрез, технологическай автотырааныспар автобаазата, салайар аппараат, хайа байытар фабрика, Нерюнгритааҕы автобааза, “Мечел-Ремсервис”, “Эльгауголь”, тиэйэр-таһар үлэлэр управлениелара. Спорт бырааһынньыгар уопсайа 200 киһи кытынна.
Хамаандалар икки эстафетаны аастылар, боксаҕа рингэҕэ таҕыстылар, футболлаатылар, ханаат тардыстылар уонна креативнай хаар киһини оҥордулар.
Күрэхтэһии түмүгүнэн үһүс миэстэҕэ салайар аппараат үлэһиттэрэ тигистилэр. Иккиһи – “Нерюнгритааҕы “разрез. Оттон Нерюнгритааҕы автобааза үлэһиттэрэ кыайаннар, көһө сылдьар кубогы туттулар.
СИА.
