Стамбулга тохсунньу 10-12 күннэригэр буолар Яшар Догу аатынан норуоттар икки ардыларынааҕы турнирга Саха сириттэн Виктор Рассадин, Арыйан Тютрин уонна Петр Константинов кыттыахтара. Ол туһунан СИА-ҕа өрөспүүбүлүкэ сүүмэрдэммит хамаандатын үрдүкү тренерэ Александр Оконешников иһитиннэрдэ.
Саха сирин бастыҥ бөҕөстөрүн саҥа сылга киирсиилэрэ Турцияҕа саҕаланыаҕа. Кинилэр олимпийскай чемпион Яшар Догу аатынан норуоттар икки ардыларынааҕы турнирга кыттыахтара.
Турция көбүөрүгэр Саха сириттэн үс бөҕөс тахсыа – аан дойду Кубогын кыайыылааҕа Виктор Рассадин 70 кг диэри, маннык титуллаах Арыйан Тютрин 61 кг диэри, аан дойдуга бастыыр иһин киирсиигэ призер Петр Константинов 57 кг диэри.
57 кг диэри уонна 70 кг категорияҕа тустуу тохсунньу 10 күнүгэр саҕаланыа, финала иккис күнүгэр ыытыллыа. 61 кг диэри ыйааһыннаахтар тохсунньу 11 күнүгэр киирсиэхтэрэ, призердар ааттара 12 чыыһылаҕа биллиэ.
Онлайн-трансляцияны манна көрүөххэ сөп YouTube-канале Федерации борьбы Турции.
