Цифровой биэрии хаппат сиригэр олорор Саха сирин олохтоохторун 2020 сыл муус устар 1 күнүгэр диэри спутниковай тэрилинэн хааччыйыахтара.
Спутник тэрилин атыылаһарга нэһилиэнньэ тустаах араҥата материальнай көмөнөн туһаныаҕа. Кинилэр ахсааннарыгар инбэлиит оҕолоох, социальнай көмөҕө наадыйар ыаллар, муниципальнай реестргэ киирбит нэһиилэ тиийинэн олорор дьиэ кэргэн киирэллэр.
«Былырыын 800 ыал спутниковай антенна атыылаһарга биир кэмнээх көмө ылбыта. Дьон олорор аадырыстарынан социальнай харысхал олохтоох салаатыгар билсиэхтэрин наада. Дуогабар түһэрсибиттэрин кэннэ дьиэлээх хаһаайыҥҥа талбыт операторын спутниковай тэлэбиидэнньэтин холбоон биэриэхтэрэ», — диэн эттэ СӨ инновациятын, цифровой сайдыытын уонна инфокоммуникационнай технологиятын миниистирэ Анатолий Семенов. Ол туһунан биэдэмистибэ пресс-сулууспата иһитиннэрэр, диэн суруйар edersaas.ru
