11 Атырдьах ыйа 11.08
  • 16°
  • $ 60,45
  • 61,7

Саха сирин 16 дэриэбинэтигэр 4G киириэҕэ

Госуслуга порталыгар сыл бүтүөр диэри 4G киириэхтээх нэһилиэктэр испииһэктэрин таһаардылар. Испииһэккэ барыта 2002 нэһилиэк киирдэ.  Манна киирбит нэһилиэктэри Арассыыйа олохтоохторо бэйэлэрэ талбыттара.  «Цифровая экономика» национальнай бырагыраама чэрчитинэн,2 030 сылга диэри   24 тыһ. тахса нэһилиэнньэлээх пууннары  4G сибээһинэн хааччыйыахтара. Мобильнай интернетка 16 Саха сэлиэнньэтэ холбонуоҕа.

Күһүн Арассыыйа сыыппараҕа министиэристибэтэ 4G (LTE) стандартаах мобильнай сибээһи хайа нэһилиэккээ киллэриэххэ сөбүн олохтоох дьон куоластарын учуоттаан киллэриэххэ диэн этии киллэрбитэ. Куолаһы Госуслуга портал нөҥүө  эбэтэр Арассыыйа почтатынан ыытыахха сөп этэ. Балтараа ыйга 700 тыһыынчаттан тахса киһи куоластаабыта, олортон 85 тыһыынча куолас почтанан киирбитэ.

«Куоластааһын сэтинньи 15 күнүгэр түмүктэннэ. Икки ый устата уонча тыһыынча кумааҕы суруктары сыымайдаатыбыт . Сурук сороҕо 1500-түү  куоластаах этилэр.  Биһиги хас биирдии куолаһы учуоттаатыбыт. Сорох дьон олус тэрээһиннээхтик ыыталлар. Холобур, Оренбург уобалаһын сэлиэнньэтин олохтоохторо. Кинилэртэн биир күн ыытыллыбыт 23 суругу ылбыппыт. Суруктары барытын биһиги үлэһиттэрбитин аһан, бэрэбиэркэлээтилэр», — диэн Арассыыйа сыыппараҕа миниистирин эбээһинэһин  солбуйааччы Дмитрий Ким чуолкайдаата.

Саха сиригэр мобильнай интернеккэ 16 сэлиэнньэ — Сиэгэн-Күөл, Быракаан, Даркылаах, Тыайа, Сүлдьүкээр, Дэлгэй, Эдьээн, Хара-Алдан, Чамча, Чуумпу-кытыл, Чымчык, Күрэҥ-ат,  Күлэкэн, Чагда, Күүпсү, Уолба холбонуохтара.

Следите за самым важным и интересным в Telegram-канале и WhatsApp-группе ЯСИА
0
0