«Точка будущего» комплекс тутуллуон сөптөөх сиринэн барыллаан «Сатал» оройуонун Намныыр тракт 13 км талыллан турар. Бырабыыталыстыба бэрэссэдээтэлин э.т. Бу туһунан Андрей Тарасенко «Новый Дом» аһымал пуонданы кытта мунньаҕар этилиннэ, диэн СИА өрөспүүбүлүкэ сүрүн пресс-сулууспатыгар сигэнэн суруйар.
Ил Дархан Айсен Николаев сорудаҕынан «Новый дом» пуонда көрүүтүгэр Дьокуускай куорат чэрчитигэр хас да учаастак бэриллибитэ.
Сүрүн ирдэбилинэн суола-ииһэ сылы эргиччи баар, инфраструктурата хааччыллыбыт буолуохтаах, иэнэ 20 гектартан кырата суох уонна наадалаах коммуникацияны тардарга кыах бэриллиэхтээх. Барыллаан бэрэбиэркэнэн, ирдэбиллэргэ Намныыр тракт 13 км сөп түбэһэр.
«Тутуутун уонна хааччыллыытын пуонда бэйэтигэр ылар, өрөспүүбүлүкэ сир учаастагын биэрэр уонна инженернай коммуникацияны оҥорорго көмөлөһөр. Оҕолор билиини ылыыларыгар туох баар үчүгэй усулуобуйа тэриллэригэр эрэллээхпит», — диэтэ Андрей Тарасенко.
Бырайыагы олоххо киллэриигэ Сөбүлэҥҥэ 2020 сыл балаҕан ыйыгар Ил Дархан Айсен Николаев уонна «Новый дом» пуонда тэрийээччитэ Альберт Авдолян, пуонда Попечительскай сэбиэтин баһылыга Сергей Чемезов илии баттаабыттара.
«Точка будущего» комплекс 1000 үөрэнээччигэ аналлаах тутуу, манна дьыссаат, оскуола, куруһуоктар, секциялар үлэлииллэр. «Сатал» уонна чугастааҕы бөһүөлэк оҕолоро дьарыктаныахтара, итиэннэ саҥа үлэ миэстэтэ таһаарыллар.
