Горнай улууһа кэлэр сыл сайыныгар спорт национальнай көрүҥнэригэр XXI Спартакиаданы ыытыаҕа. Тэрийэр кэмитиэт мунньаҕар Манчаары оонньууларын талисманнара бигэргэннилэр: тайах, сибэкки уонна бизон.
Оонньуулар бастакы талисманнарынан Тургун диэн ааттаах тайах буолар, чэпчэки атлетиканы көрдөрөр, кыыл Горнай улууһун дьаралыгар ойууланар. Иккис — Бэргэн бизон, чемпионнар эт-сиин уонна өй-санаа өттүнэн туруктарын кэпсиир. Бизоннар улууска 2009 сыллаахтан үөскэтиллэллэр. Үһүс талисман — Кырсаада сибэкки, кэрэ көстүүнү кэрэһэлиир, оройуоҥҥа анаан үүнэр, улуус биир символынан биллэр. Талисман ааптара уонна худуоһунньуга Горнайтан төрүттээх Александр Алексеев буолар.
Манчаары оонньуулара 2021 сыл сайын Горнай улууһугар тэриллиэхтэрэ. Оройуоҥҥа онно анаан стадион, элбэх функциялаах спортивнай комплекс, сыал ытар комплекс тутуллаллар, маны сэргэ атын үлэлэр күүскэ бараллар.
