Сунтаар нэһилиэгэр тутуу үлэтэ тохтообот. Оҕо саада, култуурунай-спортивнай комплекс тутуллар. Хаарбах дьиэттэн дьону көһөрүү бырагырааматынан элбэх кыбартыыралаах дьиэлэри тутуу салҕанар. Олохтоох дьон үлэлиир.


Сунтаар улууһун баһылыга Анатолий Григорьев, тутуу комплексын управлениетын начаалынньыга Иван Егоров Сунтаар нэһилиэгэр бара тутуллар эбийиэктэри билистилэр.

«РТС» түөлбэҕэ 240 миэстэлээх оҕо саадын саҥа дьиэтин тутуутугар уопсайа 28 киһи үлэлиир, ол иһигэр атын улуустан кэлбит 10 киһи, 18-һа олохтоох уолаттар. Кыраапыктан хаалыы суох, билигин арматуралары баайаллар.

«Абаҕа» түөлбэҕэ саҥа култуурунай-спортивнай комплекс тутуутугар улуус олохтоохторуттан 12 киһилээх биригээдэ үлэлиир. Эбийиэк акылаатыгар бетон кутуллан куурарын кэтэһэллэр.

«Бартыһаан» түөлбэтигэр хаарбах туруктаах дьиэлэртэн көһөрүү бырагырааматын чэрчитинэн элбэх кыбартыыралаахх таас дьиэ тутуллар. Тутууга «Дабан-строй» тэрилтэ ылсар. Тутууга 20-чэ киһи үлэлиир, бары улууспут тутааччылара. Уолаттар билигин дьиэ муостатын сабааһыныгар киирбиттэр.

Октябрьскай уулуссаҕа көтүрүллүбүт мас дьиэ оннугар 88 кыбартыыралаах саҥа таас дьиэ тутуута барар. Онно атын улуустан уонна олохтоохтортон уопсайа 12 киһилээх биригээдэ үлэлиир. Тутуу матырыйаала барыта кэлэн, болдьохтоммут былаанынан баран иһэр диэн иһитиннэрдилэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.