Сунтаар улууһугар ойуур бизоннарын тарҕатыахтара. Бу туһунан СӨ экологияҕа министиэристибэтэ иһитиннэрэр.
Сунтаар улууһугар бизоннары ыытыы туһунан сөбүлэһиини экология министиэристибэтэ, биоресурс дирекцията, ураты харыстанар сир, айылҕа пааркалара уонна Сунтаар улууһун дьаһалтата түһэристилэр.
Улуус дьаһалтатыгар 2020 сылга 10 ойуур биозонын, онтон 2023 сылга эбии 10 бизоны тириэрдиэхтэрэ.
«Бүгүн Саха сирин усулуобуйатыгар төрөөбүт 10 бизону Сунтаар улууһугар улахан массыынанан ыыттыбыт», — диэн этиллэр.
2019 сылга тэрилтэ учуонайдара уонна биоресурс дирекциятын исписэлиистэрэ бизоннары ыытарга сабаҕаланар сири талаары чинчийии уонна экспертнэй үлэтин ыыппыттара.
Чинчийии үлэтин түмүгүнэн, ойуур бизоннарын олордорго сөптөөх сиринэн Сунтаар улууһа талыллыбыта.
Маны таһынан улуус дьаһалтата Кэмпэндээйи сэлиэнньэтиттэн 40 килэмиэтир тэйиччии турар сиргэ саҥа ойуур бизонарын иитэр питомнигы олохтообута бэлиэтэнэр.
