Саха сирэ кинематография киэҥник тарҕаммыт региона буоларын туһунан «Невафильм» компаниятын 2015 сыллааҕы чинчийиитэ көрдөрдө.
Иккис кирбиигэ иһэр Бурятия 2014 сылы кытта тэҥнээтэххэ, киинэни оҥорон таһаарыыны 10-тан 4-кэ диэри аҕыйаппыт. Оттон Саха сирэ 2014 сылга 12 киинэни устубут эбит буоллаҕына, былырыын – 13.
Кэлиҥҥи хас да сылга киинэни устууга Саха сирин көрдөрүүтэ инники күөнтэн туораабат. 2013 сылга уопсайа 19 киинэ прокакка тахсыбыт.
Бэйэ оҥорон таһаарбыт киинэтин биһирээн көрөөччүлэр ахсааннара эмиэ элбиир. Холобур «Муммуттар» киинэ куораттар олохтоохторун 4,4% муспут, оттон «Сибэкки» — 3,4%, «Уон биэс кун» — 1,7%, «Чысхаан» — 1,4% уонна «Маннайгы таптал» — 1%.
Саха сирэ киинэни көхтөөхтүк устар эрэ буолбатах, дьон-сэргэ сөбүлээн көрөр. Ити түмүгэр киинэ ороскуота толуйуллар, саҥа киинэни устуу эбиллэр.
Регионнар киинэлэрэ баһыйар үгүстэрэ эр дьоҥҥо уонна дьиэ кэргэҥҥэ анаммыт коммерческай бырайыактар. Ыччакка анаммыт жанр, режиссердар киинэни устуу уус-уран, араас форманы көрдөөһүннэрэ (арт-хаус и арт-мейнстрим) өрө тутуллар. Биллэрин курдук, маны федеральнай министиэристибэ өйүүр.
