Саха сиригэр тыа хаһаайыстыбатын бородууксуйатын оҥорон таһаарыы кээмэйэ улаатан эрэр. Бу туһунан Егор Борисов 2017 сыллааҕы үлэ отчуотун кэмигэр эттэ. “Бородууксуйа кээмэйэ улаатыытыгар сүрүн кылааты фермердэр хаһаайыстыбалара киллэрдилэр. Маныаха фермердэри өйүүр бырагырааманы олоххо киллэрии төһүү буолла. 2012 сылтан саҕалаан 1,7 миллиард солкуобай кэриҥин 800 фермер ылла”, — диэтэ Егор Борисов.
2010-2017 сылларга агропромышленнай комплексы өйөөһүҥҥэ өрөспүүбүлүкэ бүдьүөтүттэн 70 миллиартан тахса солкуобай ыытылынна. Ити түмүгэр сэттэ сыл устата 288 сылгы баазата, 65 сүөһү комплекса, 19 оҕуруот аһын харайар хранилище уо.д.а тутулуннулар.
Айаал Яковлев.
