ХИФУ историческай факультетын история, обществознание уонна политология кафедратын сэбиэдиссэйэ Ольга Парфенова бэлиэтээбитинэн, дойду Конституциятыгар уларытыылары киллэрии кэм ирдэбилэ: Сүрүн Сокуон ылыллыбыта 27 сыл буолла, уопсастыба уларыйда.
Бэҕэһээ дойду президенэ Владимир Путин РФ Конституциятыгар көннөрүүлэри киллэриигэ куоластааһын ыытыллар күнүн анаата. От ыйын 1 күнүгэр дойду хас биирдии олохтооҕо быһаарыы ылыахтаах: көннөрүүлэри ылынабын эбэтэр ылыммаппын диэн.
Политолог Ольга Парфенова быһаарбытынан, көннөрүүлэр судаарыстыба быраабын уонна гражданскай уопсастыбаны бөҕөргөтүүгэ туһуланаллар. Кини этэринэн, судаарыстыба чахчы күүстээх уонна онно сэргэ сайдыылаах гражданскай уопсастыбалаах буолаҕына, бу бастыҥ түмүгү биэрэр. «Судаарыстыба уонна уопсастыба тэҥинэн сайдыылаах буоларыгар дьулуһуохтаахпыт«, — диэтэ Парфенова.
Маны сэргэ политолог Конституцияҕа нэһилиэнньэ социальнай мэктиэтэ чуолкайдык сурулларын бэлиэтээтэ. Тыл туһунан этиигэ болҕомтотун уурда: «Нуучча тыла дойду үгүс олохтооҕор иккис төрөөбүт тыллара буолар. Бу тыл — уопсай тыл, оттон судаарыстыбаны тэрийиигэ бары норуоттар кыттыыны ылбыттара».
Ольга Парфенова Конституцияҕа президенинэн киллэриллибит көннөрүүлэри ылыныы судаарыстыба уонна уопсастыба сайдыытыгар үтүө эрэ түмүктээх буоларыгар эрэнэрин биллэрдэ.
