Хотугу Африка саамай кыра дойдута Тунис 1957 сыллаахтан Францияттан туспа барыытын өрөспүүбүлүкэ күнүнэн бэлиэтиир. Билигин Африка, чугастааҕы, орто Илин (Ближний, Средний Восток) дойдуларын иһигэр Тунис биир бастыҥ политическай туруктаах өрөспүүбүлүкэннэн биллэр. Бу күн дойдуга араас сааратар тэрээһиннэр, норуот күүлэйэ буолар. Бу туһунан Бикипиэдьийэ кэпсиир.
От ыйын 25 диэн Грегориан халандаарыгар сыл 206-с күнэ (ордук хонуктаах сылга 207-c күнэ). Сыл бүтүө 159 күн баар. Бу күн Англияҕа бастакы «пробирка оҕото» күн сирин көрбүт, 1984 сыллаахха космонавт Светлана Савицкая дьахталлартан бастакынан аһаҕас космоска тахсыбыт. Саха сиригэр РФ үтүөлээх бырааһа, Амма улууһун Ытык киһитэ Евстафий Аргунов төрөөбүт, сэбиэскэй тыйаатыр уонна киинэ артыыһа, бэйиэт, бэйэтин ырыаларын толорооччу Владимир Высоцкий суох буолбут күннэрэ.
Бэлиэ күннэр:
- Тунис — Өрөспүүбүлүкэ күнэ.
- Пуэрто Рико — Конституция күнэ.
Түбэлтэлэр:
- 1587— Дьоппуону түмпүт Тоётоми Хидэёси христианствоны тарҕатыыны боппут, аҕабыыттары дойду иһиттэн үүрбүт. Сотору кэминэн Дьоппуон икки үйэлээх изоляцияҕа киирбитэ.
- 1826— Петербуурга биэс декабриһы ыйаан өлөрбүттэр: Михаил Бестужев-Рюмин, Пётр Каховскай (өрө туруу кэмигэр М. А. Милорадович генералы өлөрбүт киһи), Сергей Муравьёв-Апостол (подполковник), Павел Пестель (Соҕуруу уопсастыба салайааччыта), Кондратий Рылеев (бэйиэт).
- 1908— Дьоппуон хиимигэ Икэда Кикунаэ арыйбыт ас амтанын күүһүрдэр натрий глутаматын атыылыыр сыаллаах Адзиномото хампаанньа тэриллибит.
- 1923— Карелиятааҕы үлэ коммуната (автономнай уобалас холбоһуга) РСФСР иһинэн Карелия автономиялаах өрөспүүбүлүкэтин статуһун ылбыт.
- 1930— ССРС-ка начаалынай үөрэхтээһин булгуччулаах буолбут.
- 1978— Англияҕа бастакы «пробирка оҕото» Луиза Джой Браун төрөөбүт.
- 1984— Космонавт Светлана Савицкая дьахталлартан бастакынан аһаҕас космоска тахсыбыт.
Төрөөбүттэр:
- 1950— Евстафий Аргунов — РФ үтүөлээх бырааһа, Амма улууһун Ытык киһитэ.
Өлбүттэр:
- 1996— Микаэл Таривердиев — композитор, РСФСР норуодунай артыыһа (1986). Бу киһи «Вокзал для двоих» диэн киинэҕэ сүрүн дьоруой прототиибэ этэ — ойох ылаары сылдьар дьахтара массыынанан киһини дэҥнээбитин бэйэтигэр ылынан сууттана сылдьыбыта диэн сурах баар.
- 1980— Владимир Высоцкай (1938 төр.), тыйаатыр уонна киинэ артыыһа, бэйиэт, бэйэтин ырыаларын толорооччу.
