Бырабыыталыстыба бэрэссэдээтэлин бастакы солбуйааччы э.т. Сергей Местников үөрэх министиэристибэтин кытары Дьокуускай куорат оскуолаларын дириэктэрдэрин кытары мунньахтаата. Кэпсэтии коронавирус пандемиятынан сибээстээн саҥа үөрэх дьылыгар бэлэм туһунан буолла. 


Үөрэх министиэристибэтэ саҥа үөрэх дьылыгар кылааска 15-тэн элбэх оҕо суох буоларын хааччыйар туһуттан биэс үөрэх көрүҥүн бэлэмнээбит.

  • Бастакы көрүҥ Роспотребнадзор ирдэбилин толору тутуһар кыахтаах аҕыйах оҕолоох оскуолаларга туһаныллыа.
  • Иккис көрүҥ биир симиэнэнэн үөрэммит оскуолалар икки симиэнэнэн үөрэнэллэригэр туһуламмыт.
  • Үһүс — икки симиэнэнэн очнай-дистанционнай көрүҥүнэн үөрэнэргэ аналлаах.
  • Төрдүс уонна бэһис көрүҥнэр улахан оскуолаларга очно-заочно үөрэнэргэ туһуламмыттар.

Этиллибит моделлары оскуола бэйэтигэр сөп түбэһэн уларытыан сөбүн туһунан үөрэх миниистирэ Михаил Сивцев эттэ.

Роспотребнадзор ирдэбиллэрин — харыстанар, ыраастыыр тэриллэринэн хааччыйыыннан муниципальнай тэриллии баһылыктара дьарыктаныахтара. Итинник быһаарыыны өрөспүүбүлүкэ Бырабыыталыстыбата ылыммытын туһунан Сергей Местников иһитиннэрдэ.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.