Ил Дархан Айсен Николаев дойду баһылыгын быһа сибээс кэмпириэнсийэтигэр кытынна. Владимир Путин мэдиссиинэ үлэһиттэригэр 10 млрд солкуобайы федеральнай бүддьүөттэн эбии төлөбүргэ анаан көрдө.
Ил Дархан Айсен Николаев бүгүн быһа эпииргэ тахсан, дойду баһылыга Владимир Путин видео-сибээһинэн мунньахха кыттыбытын иһитиннэрдэ. Кини мэдиссиинэ үлэһиттэригэр федеральнай уонна эрэгийиэн бүддьүөтүттэн эбии төлөбүр көрүллүөҕэ диэтэ.
Быраастарга 80 тыһыынча солкуобай, кинилэргэ көмөлөһөр медиктэргэ 50 тыһыынча солкуобай уонна онтон намыһах дуоһунастаах үлэһиттэргэ 25 тыһыынча солкуобай көрүллэр буолбутун эттэ.
Владимир Путин дьиэҕэ бүгэн олоруу эрэһиимин тутуһары, ыарыыны аһарынарга тулуурдаах буолуҥ диэн эппитин Ил Дархан иһитиннэрдэ, edersaas.ru суруйар.
