Көҥүл тустууга Олимпийскай оонньууларга икки төгүллээх кыайыылаах уонна аан дойдуга алтата чемпионнаабыт Сергей Белоглазов Дьокуускай куоракка буолар Дмитрий Коркин турнирын бочуоттаах ыалдьытынан буолуоҕа, диэн иһитиннэрэр СИА.
«Биһиги турнирбытыгар икки төгүллээх Олимпийскай чемпион Сергей Белоглазов, Хотугу Осетия спортка миниистирн солбуйааччыта Валерий Гульчиев, Россия спортивнай тустууга Федерациятын толорор дириэктэрэ Александр Деревянко, биллэр тренердэр уонна бөҕөстөр кыттыыны ылыахтара», — диэн Саха сирин спордун миниистирин бастакы солбуйаачыта Семен Чердонов эттэ.
Билигин Дьокуускайга Лондоннааҕы Олимпиада кыайыылааҕа Тоцухиро Енимицу баар. Кини Япония хамаандатын салайар. Кинини сэргэ профессордар, наука доктордара научнай кэмпириэнсийэ кэмигэр уопуттарын атастастылар.
Онон Коркин быйылгы турнирыгар үс Олимпийскай чемпиону тэҥҥэ көрүөхпүт — Сергей Белоглазовы, Тоцухиро Енимицуну уонна Павел Пинигины.
