Бэс ыйын 30 чыыһылатыгар сардаана сибэкки күнэ бэлиэтэнэр. Ону көрсө Булгунньахтаахха 36 үнүгэстээх кэрэ үүнээйи ситэн силигилээтэ.
Хаҥалас улууһун Булгунньахтааҕын олохтооҕо Ольга Файзрахманова тиэргэнигэр 36 үнүгэстээх сардаана сибэкки үүннэ. «Луковицаны аҕам ийэбэр уон сыллааҕыта аҕалбыта. Ити эрээри былырыын эрэ олордубута. 2-3 үнүгэс үүммүтэ. Быйыл луковицаны быраҕаары гыммыппыт, ити эрээри мин өссө биирдэ олордон көрөргө санаммытым. Хас күн аайы бүөбэйдиирим, сардаанам үүнэн барбыта», — СИА-ҕа Ольга кэпсээтэ.
Ольга идэтийбит садовод буолбатах, үүнээйинэн сөбүлээн дьарыктанар.
