Армрестлиҥҥэ өрөспүүбүлүкэтээҕи күрэхтэһиигэ мөлтөхтүк көрөр, истэр уонна хаампат дьон кытыннылар. Регионнааҕы түһүмэх Екатеринбурга ыытыллар Россия чемпионатыгар сүүмэрдиир аналлаах.
Адаптивнай физическэй култуура уонна спорт өрөспүүбүлүкэтээҕи киинин дириэктэрин солбуйааччы Александр Абдульманов кыттааччылары спорт бу көрүҥэр элбэхтик эрчиллэллэригэр ыҥырда.
Спорт адаптивнай көрүҥнэрин федерациятын генеральнай дириэктэрэ Петр Давыдов доруобуйаларынан хааччахтаах дьоҥҥо чемпионаттары тэрийии кинилэр бэйэлэрин уопсастыбаҕа сыһыаннаһалларыгар көмөлөһөрүн бэлиэтээн: “Армрестлинг маннык дьоҥҥо хамсаныыны уонна бэйэ-бэйэни кытта кэпсэтэр-билсиһэр кыаҕы биэрэр”, — диэтэ.
Чемпионакка 13 муниципальнай тэриллииттэн 32 киһи кытынна. Бу күрэхтэһиилэр Екатеринбурга алтынньы ыйга ыытыллар чемпионакка сүүмэрдиир түһүмэх буолаллар. Күүстээх спортсменнар сэтинньи ыйга Польшаҕа аан дойду чемпионатыгар кыттыахтара.
