Муус устар 1 күнүттэн Дьокуускай куорат таһынааҕы бөһүөлэктэргэ олорор оскуола оҕолоро оптуобуһунан босхо айанныахтара. Бу туһунан куорат дьаһалтатын пресс-сулууспатыгар сигэнэн edersaas.ru суруйар.
Тустаах дьаһалга бу күннэргэ Дьокуускай куорат мэрин эбээһинэһин толорооччу Евгений Григорьев илии баттаата.
Куорат таһынааҕы бөһүөлэктэр оскуолаларыгар, биитэр атын уокурук оскуолатыгар үөрэнэр 5-11 кылаас оҕолоро уопсастыбаннай тырааныспарынан босхо айанныахтара.
