Е.Н.Батенчук аатынан Бүлүүтээҕи ГЭС (“Якутскэнерго” ПАУо филиала) каскадын үлэһиттэрэ хапытаалынай өрөмүөнү ыыталлар. Ыстаансыйа үлэһиттэрэ тэриллэри өрөмүөннүүллэр.
Гидроагрегаты толору ыһан ыытыллар хапытаалынай өрөмүөн 175 хонук устата барыаҕа уонна былаан быһыытынан балаҕан ыйын 3 күнүгэр диэри түмүктэниэхтээх.
Сүрүн үлэни ыстаансыйа сыахтарын өрөмүөннүүр үлэһиттэрэ ыыталлар. Бу 1 №-дээх гидроагрегат ыстаансыйаҕа 1968 с. ыла үлэлии турар.
“Оборудованиеҕа былааннаах өрөмүөнү ыытыы гидроагрегат быыстала суох үлэтин хааччыйыаҕа. Бу үлэ Саха сирин арҕаа өттүнээҕи туһанааччыларыгар уотунан хааччыллыыларыгар туох да харгыһы үөскэппэт”, — диэн бэлиэтээтэ КВГЭС кылаабынай инженерэ Сергей Муж.
