Атырдьах ыйын 17 диэн Грегориан халандаарыгар сыл 229-с күнэ (ордук хонуктаах сылга 230-c күнэ). Сыл бүтүө 136 күн баар. Бу күн Габон уонна Индонезия дойдулара тутулуга суох буолбуттарын бэлиэтииллэр. 1934 сыллаахха ССРС суруйааччыларын Бүтүн сойуустааҕы бастакы сийиэстэрэ буолбут. Былатыан Ойуунускай бырабылыанньа чилиэнинэн талыллыбыт. 1955 сыллаахха саха буруйа суох репрессияламмыт элбэх дьонун ааттарын сырдыкка таһаарбыт учуонай Ираида Клиорина толору реабилитацияламмыт. Кини бэйэтэ уонтан тахса сыл лааҕырга, ол кэнниттэн көскө олорбута. 1938 сыллаахха бу күн авиация устуоруйатынан дьарыктанар саха култууратын үтүөлээх диэйэтэлэ, историческай наука кандидаата, публицист Иван Негенбля төрөөбүт. «Формула подъемной силы», «Небо и земля Валерия Кузьмина», «Аляска-Сибирь: трасса мужества» уо.д.а. кинигэлэр ааптардара.
Бэлиэ күннэр:
- Габон — Тутулуга суох буолуу күнэ.
- Индонезия — Тутулуга суох буолуу күнэ.
- Арассыыйа салгынын флотун күнэ.
Түбэлтэлэр:
- 1903 — Джозеф Пулитцер суруналыыстарга Пулитцер бириэмийэтин олохтообут.
- 1908 — «Фантасмагория» диэн бастакы мультфильм Парижка көрдөрүллүбүт.
- 1913 — Онтарио штатын (Канаада) үөрэхтээһин департаамена француз тылынан үөрэтиини боппут.
- 1934 — ССРС суруйааччыларын Бүтүн сойуустааҕы бастакы сийиэстэрэ буолбут. Былатыан Ойуунускай бырабылыанньа чилиэнинэн талыллыбыт.
- 1945 — Аан дойду иккис сэриитэ бүтүүтүгэр Индонезия тутулуга суоҕун биллэрбит. Бу дойдуну үйэ кэриҥэ баһылаан олорбут Нидерланды ону билиммэтэх, инньэ гынан 4 сыллаах босхолонуу сэриитэ саҕаламмыт.
- 1955 сыллаахха саха буруйа суох репрессияламмыт элбэх дьонун ааттарын сырдыкка таһаарбыт учуонай Ираида Клиорина толору реабилитацияламмыт. Кини бэйэтэ уонтан тахса сыл лааҕырга, ол кэнниттэн көскө олорбута.
- 1977 — «Арктика» сэбиэскэй атомнай ледокол Хотугу полюска тиийбит.
- 1998 — Сергей Кириенко салайар РФ бырабыыталыстыбата дефолт (ол аата иэһин кэмигэр төлүүр кыаҕа суоҕун туһунан) биллэрбит уонна солкуобай куурсун өйүүр бэлиитикэтин тохтоппут. Арассыыйа саамай дириҥ кириисистэриттэн биирдэстэрэ саҕаламмыт. Бу төрүөтүнэн аһара улахан бүддьүөт ороскуота (Госдума сарбыйартан аккаастаммытын түмүгэр) уонна аан дойдуга ньиэп сыаната түһүүтэ, Азияҕа 1997 сыллааҕы кириисис буолбуттар.
Төрөөбүттэр:
- 1938 — Иван Негенбля, Саха Өрөспүүбүлүкэтин култууратын үтүөлээх диэйэтэлэ, устуоруйа билимин хандьыдаата, публицист.
Өлбүттэр:
- 1972 — Байкаалга тыыта түҥнэстэн Александр Вампилов (1937 төр.), драматург. Аҕатын — бүрээт учууталын — панмонголизмҥа буруйдаан 1938 сыллаахха суутунан ытан өлөрбүттэрэ.
