РФ үтүөлээх артыыһа Афанасий Афанасьев бу күн 1963 сыллаахха Алексеевскай оройуон Ытык Күөлүгэр төрөөбүтэ. Москубатааҕы культура институтун «хореограф-балетмейстер» идэтин бүтэрбитэ. 1979—1983 Үҥкүү судаарыстыбаннай ансаамбылын солииһа. Саха тыйаатырыгар хореографтыыр. Афанасий Афанасьев билигин үҥкүү национальнай тыйаатырын артыыһа, Саха өрөспүүбүлүкэтин норуодунай артыыһа.
Алтынньы 18 диэн Григориан халандаарыгар сыл 291-с күнэ (ордук хонуктаах сылга 292-c күнэ). Сыл бүтүө 74 күн баар.
Бэлиэ күннэр:
- Азербайдьан — Тутулуга суох буолуу күнэ.
- Аляска ( АХШ) — Аляска күнэ.
Түбэлтэлэр:
- 1860 — Кытай уонна Улуу Британия, Франция, АХШ ыккардыларынааҕы Опиум Иккис сэриитэ түмүктэммит, Тяньцзинь тэҥэ суох дуогабара түһэрсиллибит. Дуогабар чэрчитинэн Кытайга көҥүл опиум атыыта олохтонон дьон быыһыгар наркомания киэҥник тарҕаммыт. Ону кытары Арҕаа дойдулар ааллара Кытай ис өрүһүнэн Янцзынан устар кыахтаммыттар. Арҕаа дойдулар гражданнара Кытайга экстратерриториальность быраабын ылбыттар, о.э буруйу оҥордохторуна бэйэлэрин дойдуларын суутунан дьүүллэнэр буолбуттар.
- 1867 — Арассыыйа Алясканы АХШ-га 7,2 мөлүйүөн дуолларга атыылаабыт. Атыылааһын сүрүн төрүөтэ — салайарга күчүмүҕэйэ, байҕал уҥуор сытар сири Улуу Британия эбэтэр АХШ былдьаан ылыахтарын сөп этэ.
- 1911 — Дьокуускайга төлөппүөн станцията үлэҕэ киирбит.
- 1916 — Хабаровскайга Амур өрүһүн туоруур күргэ тутуллубут. Транссибирскай магистраль Арассыыйа импиэрийэтин террриториятыгар түмүктэммит. Бу иннинэ тимир суол Читаттан Владивостокка диэри кэрчигэ Кытай сиринэн ааһара.
- 1921 — Саха сиригэр маҥнайгы идэтийбит хуор тэриллибит.
- 1924 — Совнарком уоспаны утары быһыы булгуччулаах буоларын туһунан дэкириэт таһаарбыт.
- 1958 — Эдуард Пекарскай 100 сааһын бэлиэтээһиҥҥэ Венгрияҕа «Саха тылын тылдьытын» 13-с таһаарыыта тахсыбыт.
- 1967 — Сэбиэскэй Сойуус станцията «Венера-4» Чолбоҥҥо тиийбит уонна бастакынан атын планета атмосфератын температуратын, баттааһынын, чиҥин (плотность), химическэй састаабын кэмнээбит.
Төрөөбүттэр:
- 1942 — Афанасий Илларионов (1997 с. өлб.) — судаарыстыба диэйэтэлэ, Ил Түмэн I ыҥырыытын дьокутаата, Ил Түмэн бэрэстэбиитэллээх палаататын бастакы бэрэстээтэлэ, СӨ үтүөлээх юриhа, бэйиэт, тылбаасчыт.
- 1957 — Владимир Никифоров — саха фольклорун үөрэтэр филология билимин хандьыдаата.
- 1963 — Афанасий Афанасьев — хореограф, СӨ үтүөлээх артыыһа.
Өлбүттэр:
- 1958 — Василий Местников — ССРС норуодунай артыыһа, Саха тыйаатырын тэрийээччилэртэн биирдэстэрэ, режиссер, олоҥхону тыйаатырга сыһыарбыт киһи.
