Ахсынньы 3 күнэ. Инбэлииттэр норуоттар ардыларынааҕы күннэрэ - Бикипиэдьийэ

Ахсынньы 3 диэн Грегориан халандаарыгар сыл 337-с күнэ (ордук хонуктаах сылга 338-c күнэ). Сыл бүтүө 28 күн баар.

Бэлиэ күннэр:

• ХНТ — Дойдулар ардыларынааҕы инбэлииттэр күннэрэ
• Аан дойдутааҕы компьютер графикатын күнэ
• Арассыыйа — Юрист күнэ
• Арассыыйа — Биллибэт саллаат күнэ

Түбэлтэлэр:

• 1910 — Парижтааҕы автосалоҥҥа айааччы Жорж Клод бастакытын аныгы неон сырдатыытын көрдөрбүт.
• 1919 — Канаадаҕа 20 сыл тутуллубут, ол иһигэр иккитэ суулла сылдьыбыт Квебек күргэтэ аһыллыбыт. Күргэ уһуна — 987 м, ортоку систэрин арыта — 549 м.
• 1953 — Хабаровскай кыраайтан туспа баран Магадан уобалаhа тэриллибит.
• 1966 — Москубаҕа Кириэмил эркинин анныгар Биллибэт саллаат уҥуоҕа көмүллүбүт.
• 1984 — Бхопал алдьархайа: Ииндийэҕэ Бхопал куоратыгар Union Carbide хампаанньа пестицид оҥорор собуотуттан метилизоцианат тохтуутун түмүгэр 3800-тан тахса киһи өлбүт уонна 150 000–600 000 киһи эмсэҕэлээбит (кинилэртэн 6000-та кэлин эчэйииттэн өлбүттэр). Бу түбэлтэ аан дойду устуоруйатыгар саамай ыарахан техногеннай саахаллартан биирдэстэрэ буолар.
• 1989 — Мальтатааҕы саммитка АХШ бэрэсидьиэнэ Джордж Буш уонна ССРС бэрэсидьиэнэ Михаил Горбачёв кинилэр дойдулара утарсааччы буолбаттарын биллэрбиттэр. Бу күн Тымныы сэрии официальнай түмүктэниитинэн ааҕыллар.
• 1997 — Канаада киин куоратыгар Оттаваҕа 121 дойду бэрэстэбиитэлэ пехота утары мииналары бобор Оттава дуогабарын түһэрсибиттэр. Бу дуогабарга кыттыспатах дойдулар быыстарыгар АХШ, Кытай уонна Арассыыйа бааллар. Маннык кыра кыамталаах мииналар киһини үксүн инбэлиит оҥороллор, ону таһынан сэриигэ быһаччы сыһыана суох көннөрү дьон (оҕолор иҥин) уонна сүөһү саахалланар.
• 2009 — Бразилияҕа Рио де Жанейро куоратыгар Анастасия Диодорова 50 м баттерфляй ньыманан устууга инбэлииттэргэ Аан Дойду рекордун олохтообут — 38,86 сөкүүндэ.

Төрөөбүттэр:

• 1895 — Николай Неустроев — саха уус-уран литэрэтиирэтин төрүттээччилэриттэн биирдэстэрэ, саха бастакы кэмиэдьийэ суруйааччыта, прозаик, бэйиэт.
• 1903 — Николай Егоров — РСФСР уонна Саха АССР үтүөлээх учуутала, Аҕа дойду Улуу сэриитин кыттыылааҕа, Ленин уордьанын кавалера, Бүлүү улууһун ытык киһитэ (1973).
• 1959 — Федора Кобякова — Эдьиий Дора — норуот эмчитэ.
• 1963 — Дмитрий Артемьев — үҥкүүһүт, Саха Өрөспүүбүлүкэтин үтүөлээх артыыһа.

Өлбүттэр:

• 1999 — Степан Бордонскай — 1938-39 сылларга «Кыым» хаһыат эрэдээктэрэ, 1952-53 сылларга Саха АССР Араадьыйатын бэрэстээтэлэ, хомуньуус баартыйа диэйэтэлэ. Кэлин Хакасияҕа уонна Чита куоратыгар үлэлии сылдьыбыта.