АХШ мас тардыһыыга Саха сирин спортсмена Виталий Данилов чемпионнаата

0
123

Америкаҕа, Лос-Анджелеска, тохсунньу 7-8 күннэригэр мас-рестлиҥҥэ күрэхтэһии ыытылынна. Бу улахан күрэхтэһиигэ Саха сирин спортсмена Виталий Данилов чемпион үрдүк аатын ылла. Муҥутуур кыайыылааҕынан американец Мартинс Лицис буолла.


15940463_735413139950216_4718475956886550394_n-1

«Түөртэ тардыһан, барытыгар кыайдым. Чемпионаттан улаханнык астынным. Америка мас тардыһааччыларын маастарыстыбалара эбиллэн иһэр эбит. Биһиги сөбүлээн туттар ньымаларбытын холкутук туһанар буолбуттар», — диэтэ СИА Виталий Данилов.

Чемпионат «The FitExpo» бэстибээл чэрчитинэн Калифорния штатыгар ыытыллыбыт. Далааһыннаах күрэхтэһиини аан дойдуга буолбут Одд Хоген чемпионатын кыттыылааҕа, сахалар бу оонньуубутун бары континеҥҥа тарҕатар, АХШ мас тардыһыыга Федерациятын президенэ тэрийбит.  Күрэхтэһиигэ эр дьоннор, дьахталлар кыттыбыттар.

Виталий бастакы күн судьуйа быһыытынан сылдьыбыт. Онтон 80 киилэҕэ диэри ыйааһыннаахтарга Америка мадьыныларын кытта күөн көрсүбүт. Уопсайа түөртэ тардыһан чемпион аатын ылары ситиспит.

Түмүккэ, ыарахан ыйааһыннаахтарга муҥутуур кыайыылааҕынан Мартинс Лицис буолбут. Кини дойдутун чиэһин  кулун тутар 2-6 күннэригэр Колумбус (АХШ) куоракка ыытыллар аан дойду чемпионатыгар көмүскүөхтээх.

1
0

Хоруй суох

Хоруйдаа