Сэтинньи 15 күнүттэн Дьокуускайга Звезднай микроройуону хабар 1 №-дээх оптуобус маршрутун киллэрдилэр. Ол туһунан куорат баһылыга Евгений Григорьев телеграм-ханаалыгар суруйда.
«Уопсастыбаннай тырааныспар сүүрүүтэ — Звезднай олоҕун хаачыстыбата үрдүүрүгэр туһаайыллар. Бүгүн микрооройуон олохтоохторо үлэлэригэр, үөрэхтэригэр дьиэлэрин таһыттан бардылар, киэһэ дьиэлэрин таһыгар айаннаан кэлиэхтэрэ. 2024 сылга микрооройуоҥҥа суол тутуутугар, сырдатыыга, тротуар оҥорууга, суол бэлиэлэрин туруорууга элбэх үлэ ыытылынна. 2025 сылга үлэни ситэрэн түмүктүүр былааннаахпыт, сылаас тохтобул баар буолуоҕа», — диэн суруйда салайааччы.
Кэлэр нэдиэлэттэн Звезднайга 14 №-дээх оптуобус эбиллиэҕэ.
