Саха сирин килиимэтин уратыта
2024 сыл сайына кураан буолара күүтүллэр, бу ойуур баһаара тахсыытын улаатыннарар. Маннык түгэҥҥэ зондировщик үлэтэ хайаан да наада.
«Бастатан туран, Саха сирин килиимэтиттэн саҕалыахха. Олус уратылаах. Эмискэ куйаас сайын түһүөн сөп, сөҥүүтэ аҕыйах. Өрөспүүбүлүкэ — кураан. Бу барыта зондировщик сөмөлүөт үлэлиир усулуобуйатыгар охсор. Ол иһин биһиги тугу да көтүппэккэ талабыт, анаалыстыыбыт», — диэтэ «Як-40» бортка экспедиция салайааччыта Валентин Кирин.
Бу боппуруоска наука өттүттэн көрөр буоллахха, былыт аллара кыраныыссата сылаас кэмҥэ үөһэ буолар, атыттарга холоотоххо. Уонна сайыҥҥы кэмҥэ региоҥҥа олус этиҥнээх.
«Этиҥ былыттан сиргэ тиийэн, умайыыны оҥоруон сөп, оттон сөҥүү ситэри тиийбэккэ хаалар, онон сири инчэппэт», — диэтэ «Ан-26» борт салайааччыта Иван Ломакин.
