«Защитники Отечества» судаарыстыбаннай пуонда филиаллара сэттэ күннээх үлэ эрэһиимигэр көстүлэр. Ол туһунан официальнай ханааллара иһитиннэрдэ.
«Ыйытыы элбэх киирэр. Ол аата дьон пуондаҕа итэҕэйэр. Ыйытыы үксүгэр ыксаллаах буолар, госпитализация, протезирование, докумуон оҥоһуутун боппуруостарынан. Дьоҥҥо көмө тохтоло суох баар буолуохтаах, сөптөөх, тиийимтиэ өйөбүлүнэн хааччыллыахтаах», —диэтилэр пуондаҕа.
Дьокуускайдааҕы филиал бэнидиэнньиктэн баскыһыанньаҕа диэри 09:00 — 18:00 чааска үлэлиир. Дьону көрсөллөр: Ойуунускай уулуссатын 41/1 дьиэтигэр. Төлөпүөннэрэ: (4112) 506-506.
